شبكة المراسل اليوم المصداقية … والخبر اليقين
مقالات مشابهة
مرشحين فقدوا القيم والمبادئ وناخبين مجبرين على تأييدهم
””””””””””””’
وائل جاد
””””””””””””””””
بدايةً وباللغة العربية الفصحى ‘ لأ باللغه العاميه الشعبيه الدارجه
يا أستاذ التربيطات والتحالفات دى مش جديده علينا ومن زمان شغاله
تلاقى اللى عامل نفسه صالح مع الطالح واللى عامل نفسه طيب مع الخبيث
لا فى قيم ولا مبادئ والمبرارتيه والمطبلاتيه شغالين الله ينور وشوف الصورتين تلاقى المناضل الوطنى الصحفى الهمام مصطفى بكرى مع إبن البلد جمال مبارك
وبعدها تلاقى راعى الدين والإسلام فى الأرض الكتاتنى والمحترم اللى بيحمل الخير لمصر صبحى صالح مع الطبال أحمد عز
ياعم دى حاجه تقرف إسكت يا أستاذ محمد
إنت عارف المصيبة مش فى المرشحين اللى اتحدوا وتحالفوا دول متعودين على كده
إنما المصيبة فى اللى كان بيأيد مرشح حبا فيه وكرها فى آخر ومرشحه أتحالف مع اللى بيكرهوا هيعمل إيه مجبر ينتخب الاتنين غصبا عنه
إحذر يابيه من دول ‘
وإياك حد يقولى إيه الأسلوب الركيك ده وإيه اللغه اللى إنت كاتب بيها دى
أنا أصلا مش بعرف أكتب وحتى لو بعرف فى الظروف دى ما أظنش ومعلشى طولت عليكم
