فاطمة ابراهيم تكتب: عيدك ياامي

كتبت فاطمة ابراهيم

عيدك ياامي بيفكرني لما كنا صغيرين
لما كنا بنات نلم بعض واحنا فرحانين
كل واحدة فينا عاملة خطة ومرتبين
نعمل لك ياحبيبتي حفلة او حفلتين
نعبر بيها عن حبنا و تشوفي الموهبين
كنا بنرتب لها من قبلها بأسبوعين
ونتمرن في الخفا واحنا مداريين
علشان نعمل لك مفجأة وتفرحي شويتين
ولو دقايق تنسي فيها تعب السنين
ياما شلتي همنا كبار وصغيرين
وياما سهرتي بينا واحنا مرضانين
وانتي راضية ودايما تدعيلنا دعوتين
ولسه بدعاكي ياأمي احنا محفوظين
مهما قلنا مش هنقدر نوافيكي همستين
من حقوقك علينا ونقسم بالله معترفين
الله يرحم امي وابي احن والدين
ويرضي عنكم ويجعل لكم جنتين
ويكفي ان ربي قرن رضاه برضاكم انتو الاتنين
وجعل الجنة تحت قدم الامهات وهذا يقين
ياللي لسه امك عايشة الحق خد لك دعوتين
بيهم تضمن رضا ربك وحياة الراغدين
واحرص علي رضاها وبوس الايد والجبين

شاهد أيضاً

عبد اللاه : إقبال عربي وخليجي متزايد على شراء العقارات بالساحل والعلمين

كتب : ماهر بدر كشف المهندس داكر عبد اللاه عضو شعبة الاستثمار العقاري باتحاد الغرف …

اترك رد

%d مدونون معجبون بهذه: