شبكة المراسل اليوم المصداقية … والخبر اليقين
مقالات مشابهة
كلمات محمد اشرف
قال هما في مدن عايشين
واحنا في طين
نسيوا وتناسوا ان الأصل كله طين
صدقني يا حمدان
أشكال بلا معدن
ماشيين ولا داريين
بالنعمة مش حاسين
عندهم عملاق
في الأنفاق
خسارة في الوحشين
عليه مش خايفين
طاعين .. نازلين
مخربين
وبالوم علي الحلوين
ساكتين
مش متكلمين
والحجة مش فاضيين
خلونا ماشيين
وادينا عايشين
..
معلش يا عثمان
صدقني يا حمدان
انا بيني وبين معلش
تار
ايوة تار
لازم أخده منها
والغيها من القاموس
وادفنها وسط الطين
واياك يا حمدان
تقول تاني
معلش
اصلها شماعه
الكل عليها بيرمي
فاكر يا حمدان
لما في يوم كنا
في المترو في التحرير
والواد ماسك الباب
ولما الناس سألوه
قال معلش صاحبي جاي
والواد ابو تكتك
لما خبطني وقال
برضو معلش
فاكر يا حمدان
لما المكيروباص وقف
وسط الشارع وقال برضو معلش
طيب فاكر لما نده وقال نركب
ومكانش معاه مكان
ولما سالته قال بس اركب
ومعلش ..
معلش يا حمدان
دي كلمة مصرية
دول حتي يا جدع لما قالوا علينا صعايدة
عايشين في الطين
قالولنا برضو معلش