السيسي ينتقد رفض البرلمان لقانون الخدمة المدنية: مصر بها 7 مليون موظف لا نحتاج منهم سوى مليون فقط.. بس الستة موجودين

السيسي في رسالة للشعب التونسي: الظروف الاقتصادية صعبة .. وباقول لكل اللي سامعني خلوا بالكم من بلدكم ما تضيعوش بلادكم

كتبه حماده جمعه
 انتقد الرئيس عبد الفتاح السيسي رفض البرلما لقانون الخدمة المدنية وذلك خلال كلمته بالاحتفال بعيد الشرطة اليوم السبت باكاديمية الشرطة .. وقال السيسي” أنا هاتكلم وأنا لا أتدخل في عمل البرلمان لما يعرض قانون للإصلاح وبعدين هذا القانون وجهة نظر نواب الشعب إنه ما يقرش .. حاضر لكن انتم بتطالبوني بالاصلاح والتقدم لكن الاصلاح والتقدم مسئولية اوعوا تتصوروا إن الاصلاح النهاردة بس الاصلاح بتاع بكره وبتاع اولادنا دووول »
 
وتساءل السيسي إحنا عندنا كام موظف مشيرا إن مصر بها ما يقرب من 7 مليون موظف مضيفا يا ترى مصر محتاجة منهم كام .. مجيبا محتاجة مليون بس لكن  الـ 6 مليون موجودين وهنحافظ عليهم ودا أول اعتبار ..  تاني اعتبار هل حد مرتبه هيقل لا .. تالت اعتبار يا ترى الزيادات المفترضة هتتحسب ولا لأ .. أنا باتكلم كل الناس اللي بتسمعني الدنيا كلنا زياداتها صعبة
 
واضاف  أنا بأقول كلمة لكن احب الناس ما تقولهَاش .. «لو قلت لكم خلونا نتنازل شوية هتقولوا ايه ».. الشعوب بتحي بالأمانة والشرف والاخلاص والتضحية والتصدي والجلد .. وتابع «كان لازم اقول الكلمتين دول لكن انتم حملتوني المسئولية وأنا ما اقدرش ما أصارحكمش .. أنا قلت لكم بصراحة اننا 90 مليون وجوانا ناس قاعدة تأذي فينا وتدمر فينا»
 
واضاف ” أوعوا تكونوا فاكرين ان انتم بتتعاملوا معايا على انني رئيس انا واحد منكم قلتوا له خلي بالك وبيحاول يخلي باله .. لكن هل كل المصريين بيحاولوا يخلوا بالهم .. دي بلدنا كلنا ومسئولين عنها كلنا”
 
وانهى السيسي حديثه قائلا موجها رسالة للشعب التونسي قائلا «أنا خلصت كلامي كده .. واسمحوا لي أن أن لا اتدخل في الظروف الداخلية للشعب التونسي لكن أنا باقول للشعب التونسي الظروف الاقتصادية صعبة حافظوا على بلدكم وأنا باقول كده عشان ربنا يجازيني .. باقول لكل اللي سامعني خلوا بالكم من بلدكم ما تضيعوش بلادكم

شاهد أيضاً

شاهد تعليق تهاني التري : على خارطة النجاح لدولة الإمارات !!

متابعة : نبيل أبوالياسين قالت المستشارة “تهاني التري” نائب رئيس منظمة الحق الدولية لحقوق الإنسان، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *