بــقــلم/ أشــرف مــقــلد
اشتهيني واشتريني
واشتكيني ليا لكن
اوعي يوم ترضي تبعيني
واوعي يوم تنسي الأماكن
اللي لينا فيها ذكرى
أو مشينا فيها مره
واوعي وسط زعلنا نكره
حب كان في القلب ساكن
فاوعديني ما تبعديني
عن خيالك ف الليالي
قلبي بايدك فاسعديني
بالرجوع ليا وتعالي
نحيي ليل ساكن وداكن
ده الليالي الحية عَندي
اللي بضمن فيها قربك
ورغم بُعدك لسه عِندي
حاكم إني أسير ف دربك
وقلبي برضه لـ عِندي راكن
كل حاجه حلوه انتي
مهما كنت ومهما كنتي
عمر قلبي عليه ما هونتي
أصل حبك فيا ماكن
يا جزيرتي ف بحر عُمْري
وغنوتي ف سهري وزَمْري
ياللي مالكه كل أمري
افتحي لـ حُبُّي المساكن
في عنيكي عشت رحله
دوقت منها شهد وأحلى
ده المشارب مهما تحلى
جنب نهرك نبع راكن
فاذكريني في رحابك
يا رحابي
كل سعدي في جنابك
أو عذابي
لو نويتي تردي بابك
عن جوابي
فارحمي غلطي بصوابك
واشفي مابي
وارضي يا زينة المحاسن
واشتهيني واشتريني
واشتكيني ليا لكن
اوعي يوم ترضي تبعيني
واوعي يوم تنسي الأماكن
