بقلم كريم المنشاوى
حكايتنا النهارده هى الإجابة على السؤال ده .
ممكن ناس كتير تقول إن ده موضوع تافه او دى حكايه فاضيه ،لكن ده بجد موضوع كبير ويستحق إنك تهتم بالاجابة ، سواء كنت متزوج او خاطب او لِسَّه بتفكر او حتى كنت مطلق او مخلوع او أرمل ” منحوس او محظوظ” ومنحوس طبعا اذا كان زعلان عليها ومحظوظ اذا كان فرحان فيها. المهم يعنى فى البدايه انا عايز أقول انك لو إتجوزت من غير خطوبه فأنت خسرت كتير قوى ،ايوه انا فاهم إنك عشان تتجوز لازم تخطب الاول بس انا اقصد انك لو اتجوزت على طول من غير ما تعيش فتره الخطوبة فأنت خسرت كتير لأنها حاجه حلوه قوى ، حاجه حلوه لما تلاقى حد يفكر فيك وتفكر فيه تغير عليه ويغير عليها تخاف عليه ويخاف عليك ترتاح معاه حتى لما تتخانق معاه بردو دى حاجه حلوه ، ما انت لو كنت خاطب ومش شايف إن الخطوبه حاجه حلوه فمن الاحسن انك ما تكملش ،وإذا كنت خاطب وفرحان زى ما انا فرحان فربنا يديم عليك الفرحه . بس لو كنت انت مطلق فأكيد الخطوبه كانت مش حلوه بس انا عارف أن فى ناس كتير بتقول دلوقتي يا أبنى الخطوبه حاجه والجواز ده حاجه تانيه يا عّم الحاج حتى وإن كان كلامهم صحيح خلينا حتى نعيش اللحظه ان احنا هنكمل على كده ، اما إن كنت مخلوع فأنا شايف إنك انت أكيد اللى غلطان عشان إنك وصلت نفسك للمرحله دى، لأنك لو كنت شايف إن اللى عايش معاك بقى بيكره العيشه معاك فلا تبكى على من باعك ولاتجعل من يريد ان يبيعك أن يجعل من نفسه هو صاحب قرار تركك على الأقل . بس عشان ما تكبرش الحكايه انا شايف إن الجواز من غير خطوبه زى الحياه من غير حياه وهى دى حكايه لو.
