كتب عبد الرحمن الطويل
رغم اني شهادتي فيك مجروحه لأنك اخويا الكبير وحبيبي وصاحبي الغالي عليا
أنا مش بنزلك دلوقتي دعم عشان انت العمده كارم سعد اللي بنتشرف بيه بس
لأنك ابن بلدنا وعنوان ووجهة مشرفة لينا وبس
لا خالص احنا بندعمك ضد محاولات التشويه القذره اللي بتحاول تنال منك لأنك ناجح ونجاحك ده مش بالساهل على ناس كتير اوي وواجع ناس كتير اوي
احنا بندعمك عشان انت راجل جدع وصاحب مواقف رجوله
احنا بندعمك عشان انت راجل ليك الف لازمه وتساوي الف راجل
اللي بيحصل دلوقتي من مجهول الهوية ده شغل رخيص وشغل ناس أوساخ
واعتقد انه من الرجوله اني لو عايز احارب اي انسان ابقى راجل واحاربه بأسمي ونفسي مش اكتب مجهول الهوية واتخفي ورا الشاشات
وكلنا عارفين ان اللي بيحصل دلوقتي ده على الجروب القذر ده كله بسبب دعمك ووقوفك مع اخوك وصحبك النائب المحترم سيد سلطان
ولو اتقال واتعمل قد كده الف مره مش هيرجعك ولا هيرجعنا عن دعم النائب سيد سلطان لأنك راجل وصاحب صاحبك
ربنا يحميك ويحفظك ويبارك في عمرك ويزيدك من فضله كمان وكمان لأنك تستاهل كل خير والله بأيدك الممدوده في الخير ومساعدتك لأهالينا البسطاء وبابك مفتوح للكبير والصغير وعمرك مارديت حد زعلان ولا قفلت بابك في وش حد
واخيرا….. ياجبل مايهزك ريح
