اختفاء طفلة أمام سوبر ماركت مترو ببورسعيد في ظروف غامضة

مرفت شحاتة / بورسعيد

اللهم انا استودعنا ملك الجوهري عندك امانة فردها الي امها سالمة غانمة محفوظة بحفظك الكريم
ملك بنت عندها سنتين مامتها سابتها فالعربية ودخلت مترو تشتري حاجه في خمس دقايق بالظبط رجعت ملقتش البنت وكانت راكنه العربية فوش حديقة فريال.
البنت وقت اختفائها كانت لابسة بلوزة صفرا وبنطلون جينز او برمودا جينز تقريبا.
في شاهده عيان بتقول انها تقريبا شافتها مع واحد طويل واسمر ولبسه مبهدل اوي دخل بيها المعدية الساعه ١١ ونص بليل (مش متأكدين ان كانت المعلومة حقيقية ولا لا) بس اللي الشاهده متاكده منه ان البنت لفتت نظرها عشان هي شكلها شيك وبنت ناس وهو شكله مبهدل جدا
.
طبعا دي غلطة الام مش محتاجين حد يفكر الام بكده كفاية اللي هي فيه ياريت ندعيلها ونكثف الجهود … كل واحد عنده محل وحاطط كاميرات مراقبة حوالين مترو من اي اتجاه ياريت يراجعها هي الواقعه تقريبا حصلت الساعه ٩ بليل … ولو قدر يتوصل لحاجة ياريت ميترددش انه يعلن دا عالفيسبوك ويتوجه لقسم شرطة الشرق يساعد بأي معلومة ممكنه.
يارب يردك لاهلك بألف سلامه يا ملك