بس ليكي

الشاعر عصام امام

بس ليكي …
*********

كل يوم اكتب كلامي
ليكي إنتي
ايوه إنتي
تجري روحي
تقول لروحي
أكيد عرفتي
أو فهمتي
اني عايش بس ليكي
لما اتوه
ب أشوف طريقي
بنور عنيكي
لما شوقي
يزيد إليكي
نبض قلبي بيناديكي
والغريبه باسمعك
لما تردي
زي غيمه
في ليله حر
ع الجبين
وقفت تندي
هتصدقي ..
هتصدقي لو قولتلك
صورتك ما بتفارق خيالي
هتصدقي ..
ان طيفك هو نديم الليالي
هتصدقي ..
اني عمري بيكي بس
حسيته غالي ..
انتي املي وكل مالي
صاحي نايم ..
شاغله بالي
من عينيك اتفجروا
نهرين حنان
وابتسامتك ..
فيها حسيت بالامان
انتي يومي
انتي بكره
وبين ايديكي
نفسي اعيش
عمرين كمان …