حكايات لو ” مهرجان القلم السياسي ” طريق مسدود وحيل مهدود وروح مفقود

بقلم كريم المنشاوى

دي حكاية مشكله ،لو قابلتك هتعمل ايه؟ ايوه ده لوغاريتم، أو لوغاريتمات. ماهيا دي مطالبكم. عايزين حل للكلام ده ودلوقتى مش بعدين. وضع البلد طريق مسدود. طب الحل ايه؟ لازم نلاقى طريقة حتى لو كانت من وجهة نظركم مجال للضحك والتهريج. بدل ما تهرج هات حل ولا اقولك بطريقتك أعمل هشتاج نشتغل عشان كذا او اي هشتاج يكون بجد والا ايه نضحك وتضحك أحسن .مش بقولك طريق مسدود . وحيل مهدود آمال ليه بيتحدى وبيقول نعمل كذا فى وقت كذا عشان شايف إن لو معملش كده هنشتغل بطريقة بشويش وبالراحة احنا ورانا حاجه، مش بقولك حيل مهدود عشان كده بيتحدى وبيعاند. ليه هو لو اشتغل بطولة بال مش هيريح دماغه. لا هو بيضغط ولازم يضغط عشان إحنا متأخرين كتير كتير روح مفقود. بزمتك انت شايف ايه؟ عشان خاطر ربنا . كفاية كده وبلاش نوم. بلاش العاطل يرضى بحاله. اعمل اى حاجه بس اهم حاجه تعمل والنبى. بس أى حاجه غير انك تمسك موبيلك وتلعب عليه. واللى شغال فيكم يشتغل بضمير وبلاش تتحجج بالروتين والنبى. اه اه طب ياعم الكلام ده كلام حقيقى وبجد. آمال أيه حكاية المهرجانات والكلام ده. لا دا انا عارف إن المهرجانات واكله مع الناس اليومين دول. فقلت استغل الحكاية دى. اه يعنى دى حكاية لو؟ ياريت كانت حكاية لو.دى حكايه حكايتنا