شبكة المراسل اليوم المصداقية … والخبر اليقين
مقالات مشابهة
الدكتور / أحمد أبو النصر
لا يمكن ان تخلو اى روشتة كحة من المضاد الحيوى حتى لو مكنش سبب السعال بكتريا بس الدكتور ساعات بيخاف من حاجة اسمها العدوى الثانوية فبعضهم بيكتبه من باب الوقاية لان المناعة بتكون فى أضعف حالتها
الحقيقة كتير من الحالات شفتها بعينى حتى لو بتاخد المضاد الحيوى ولا بيعمل حاجة اصلا لان العدوى بتكون فيروسية مش بكتيرية فى معظمها او لو عمل بيكون ضعيف وبتلاقى دور البرد عند الكبير ولا الصغير قلب بحساسية صدر مزمنة ولا ربو شعبى
هل من مساعد بالنباتات الطبية ؟
اتفقنا اتفاق ان الثوم والبصل مضادات حيوية غير عادية لايمكن ابدا ان يقاومه اى بكتريا وخد بقا المفاجاءة المضاد الحيوى بيقتل البكتريا الممرضه اللى بتصيب الانسان . الثوم والبصل حاجة تانية خالص دول مش بس بيقتلو البكتريا لا وكمان الفيروسات والفطريات ناهيك عن ان البصل كمان فيه مواد مضادة للحساسية زى مادة الكيورستين يعنى اعتبر نفسك انك بتشرب مطهر ومعقم مش مضاد حيوى بس
جميل اعمله ازاى ؟
شراب البصل المطهر الجبار للكحة وتنضيف الصدر :
افرم ١٠٠ جرام بصل فرم ناعم وحط عليهم ٢٠٠ مللى ميه واغليهم لمدة ١٠ دقايق وبعدين صفى وحط عليهم ٢ ملعقة كبيرة عسل وبعدين ارجع حطهم ع النار تانى عشان يمتزج جيدا وبعدين خد ملعقة صغيرة كل ٦ ساعات حتى تمام الشفاء اللى هوه اصلا مش هيعدى ٣ أيام يوم ماهيتأخر .
شراب الثوم قاتل كل الأعداء بكتريا فيروسات فطريات :
قشر ٥٠ جرام ثوم واغليهم فى كوب ماء على النار لمدة دقيقتين وبعدين صفى وحط على المصفى ده ٥٠ جرام عسل والجرعة ملعقة صغيرة كل ٨ ساعات .
الحقيقة ان البكتريا الممرضة اللى بتكون فى الجهاز التنفسى واحد من الأسباب الرئيسية فى الإصابة كمان بمشاكل الشرايين التاجية وعشان كده المدخنين ومرضى السكر بيحصلهم أمراض الشرايين التاجية وانت مستحيل تمشى على مضاد حيوى طول العمر لكن ممكن تاخد الثوم او البصل طول العمر لأنهم اكسير الحياة غذاء و دواء .
شير لغيرك لو عندك طفل عنده سعال او كبير عنده سعال او سكر او مدخن لازم تعمل الوصفة دى كوقاية من تصلب الشرايين.
دمتم بصحة
